New Events

ڈپٹی کمشنر ھنگو جناب گوھر زمان وزیر اور ڈائریکٹر یوتھ افیئرز خیبرپختونخوا کی خصوصی ہدایت پر

محکمہ اُمورِ نوجوانان، ھنگو نے ضلعی انتظامیہ کے تعاون سے

گورنمنٹ ڈگری کالج ھنگو میں ایک ماہ کا مفت ڈیجیٹل سکلز اور فری لانسنگ کورس آج اختتام پذیر ہوا۔

اس تقریب کے مہمانِ خصوصی اسسٹنٹ کمشنر ہنگو جناب اسفندیار صاحب تھے، جبکہ نوجوانوں نے بڑی تعداد میں شرکت کر کے پروگرام کو کامیاب بنایا۔

اس موقع پر اسسٹنٹ کمشنرز صاحب نے ڈسٹرکٹ یوتھ آفیسر کا شکریہ ادا کرتے ہوئے کہا کہ نوجوانوں کو جدید ٹیکنالوجی، ای کامرس، اور آن لائن بزنس جیسے شعبوں میں تربیت دینا وقت کی اہم ضرورت ہے۔ اُنہوں نے اس عزم کا اظہار کیا کہ ضلعی انتظامیہ مستقبل میں بھی ایسے مزید آئی ٹی اور اسکلز ڈویلپمنٹ پروگرامز کے انعقاد کو یقینی بنائے گی تاکہ نوجوانوں کو بہتر روزگار کے مواقع مل سکیں۔

ڈسٹرکٹ یوتھ آفیسر نے بتایا کہ اس پروگرام کے دوران شرکاء کو ڈیزائننگ، ای کامرس، ڈیجیٹل مارکیٹنگ، سوشل میڈیا ہینڈلنگ، اور آن لائن سیلنگ کے بنیادی اور عملی طریقے سکھائے گئے، جن کی بدولت وہ خود روزگار کے قابل بن سکیں گے۔

پروگرام کے اختتام پر طلبہ کو سرٹیفکیٹس پیش کیے گئے۔ تمام شرکاء نے اس اقدام کو نوجوانوں کی ترقی اور معاشی بااختیاری کی جانب ایک مثبت قدم قرار دیا۔