New Events

محکمہ امورِ نوجوانان چارسدہ اور پاکستان ریڈ کریسنٹ کے باہمی اشتراک سے جوان مرکز چارسدہ میں موسمیاتی تبدیلی کے موضوع پر تین روزہ تربیتی سیشن کا آغاز کیا گیا، جس کا آج پہلا روز تھا۔

تربیتی سیشن میں 30 نوجوانوں نے شرکت کی، جہاں انہیں موسمیاتی تبدیلی کے اسباب، اثرات، ماحولیاتی تحفظ اور اس سے نمٹنے کے مؤثر و عملی طریقوں کے بارے میں تفصیلی آگاہی فراہم کی گئی۔ عملی سرگرمیوں کے ذریعے شرکاء کی استعدادِ کار میں اضافہ کیا گیا تاکہ وہ اپنی برادری میں ماحول دوست اقدامات کو فروغ دے سکیں۔

اس تربیت کی خاص بات یہ ہے کہ تربیت مکمل ہونے کے بعد یہی نوجوان اپنی اپنی کمیونٹیز میں آگاہی سیشنز منعقد کریں گے، تاکہ زیادہ سے زیادہ افراد کو موسمیاتی تبدیلی کے چیلنجز، اس کے اثرات اور حفاظتی اقدامات سے آگاہ کیا جا سکے۔

یہ تربیتی پروگرام آئندہ دو روز تک جاری رہے گا، جس کے دوران شرکاء کو مزید عملی تربیت، رہنمائی اور کمیونٹی انگیجمنٹ کے حوالے سے مہارتیں فراہم کی جائیں گی۔